ယနေ့ခေတ်တွင် ဆေးဘက်ဆိုင်ရာ ဆန်းသစ်တီထွင်မှုများ တိုးတက်လာသဖြင့် ဆံပင်ကျွတ်ခြင်းကို ကုသသည့်နည်းလမ်းများ ပိုမိုစုံလင်၍ ထိရောက်မှု ပိုများလာပါသည်။ ယနေ့ AloEx မှ မျိုးရိုးဗီဇကြောင့် ဖြစ်ပေါ်သော ဆံပင်ကျွတ်ခြင်းကို ကုသရာတွင် အသုံးပြုသည့် နောက်ထပ် ဆန်းသစ်တီထွင်မှုတစ်ခုဖြစ်သော Autologous Conditioned Plasma သို့မဟုတ် အတိုကောက် ACP အကြောင်းကို မိတ်ဆက်ပေးလိုပါသည်။
ဆံပင်အမြစ် မခိုင်မာ၍ ဆံပင်ကျွတ်သော လူနာများတွင် အကြောင်းရင်းတစ်ခုမှာ ဦးရေပြားသို့ အာဟာရ လုံလောက်စွာ မရောက်ရှိခြင်းကြောင့် ဖြစ်သဖြင့် ACP ဆံပင်စိုက်ပျိုးနည်းသည် သိပ္ပံနည်းကျ နည်းလမ်းဖြင့် ဆံပင်အမြစ်များသို့ အာဟာရ ဖြည့်တင်းပေးခြင်းကို အဓိကထား၍ ဆောင်ရွက်ပါသည်။
ACP နည်းလမ်းမှာ လူနာ၏ ကိုယ်တွင်းမှ သွေးကို ထုတ်ယူ၍ Plasma ဖြစ်အောင် ခွဲခြားခြင်း ဖြစ်ပါသည်။ ထို့နောက် ဆရာဝန်က ထိုသွေးအနှစ် သို့မဟုတ် Plasma ကို Biomedical process ဖြင့် ဆံပင်အမြစ်ဆဲလ်များ၏ လုပ်ဆောင်မှုကို ကူညီလှုံ့ဆော်ပေးနိုင်သော အစိတ်အပိုင်းဖြစ်သည့် Growth Factor များကို ခွဲထုတ်ပြီး လူနာ၏ ဆံပင်အမြစ်နေရာသို့ ထိုးသွင်းပေးပါသည်။ ဆံပင်အမြစ်များ အာဟာရ လုံလောက်စွာ ရရှိသောအခါ သဘာဝအတိုင်း ပုံမှန် ပြန်လည် ပေါက်ရောက်နိုင်ပြီး ပါးလွှာနေသော ဆံပင်များလည်း ပိုမိုထူထဲ လာနိုင်ပါသည်။
ACP နည်းဖြင့် ကုသခြင်းသည် လူနာအား ခွဲစိတ်ရန် မလိုဘဲ ကုသပြီးနောက် ပုံမှန် နေထိုင်နိုင်ကာ ဘေးကင်းမှု မြင့်မား၍ ကုသမှုရလဒ်ကိုလည်း ပိုမိုမြန်ဆန်စွာ မြင်တွေ့နိုင်စေပါသည်။ သို့သော် ဤကုသမှုသည် သွေးလည်ပတ်မှုစနစ် ပုံမှန်မဟုတ်သော ရောဂါရှိသူ လူနာများအတွက် ကန့်သတ်ချက် ရှိနေဆဲဖြစ်ပြီး ထိုလူနာများ၏ သွေးကို အသုံးပြု၍ မရနိုင်သောကြောင့် ဖြစ်ပါသည်။
မည်သို့ပင်ဖြစ်စေ ဤဆံပင်ကျွတ်ကုသနည်းမှာ ဆေးဘက်ဆိုင်ရာ အဆင့်များစွာ လိုအပ်သဖြင့် စျေးနှုန်း တော်တော်များများ မြင့်မားပါသည်။ သို့သော် စိတ်အားမငယ်ပါနှင့်။ ဘတ်ဂျက် အကန့်အသတ်ရှိသော်လည်း ဆံပင်အမြစ်ကို ပြုစုပျိုးထောင်ပြီး ဦးရေပြားရှိ သွေးလည်ပတ်မှုကို လှုံ့ဆော်ပေးလိုပါက အပင်ပေါင်း ၃၀ ကျော်မှ အနှစ်များ ပါဝင်သော AloEx ရှန်ပူးနှင့် serum ကို စမ်းသုံးကြည့်နိုင်ပါသည်။ ၎င်းတို့သည် သွေးမှ ဆံပင်အမြစ်များသို့ အာဟာရများ ပြည့်ဝစွာ ပို့ဆောင်နိုင်စေရန် သွေးလည်ပတ်မှုကို လှုံ့ဆော်ပေးခြင်း၊ ဆံပင်ဆဲလ်များ ထိရောက်စွာ ထုတ်လုပ်နိုင်ရန် ဆံပင်အမြစ် ဂလင်းများ၏ လုပ်ဆောင်မှုကို လှုံ့ဆော်ပေးခြင်းနှင့် အရေးကြီးဆုံးအနေဖြင့် ဆံပင်ပြောင်ခြင်း၏ အဓိက အကြောင်းရင်းဖြစ်သော အမျိုးသား ဟော်မုန်း DHT ကို တားဆီးရန် ကူညီပေးခြင်းတို့ကို အဓိကထားပါသည် (အမျိုးသား ဟော်မုန်း DHT နှင့် ဆံပင်ပြောင်ခြင်းဆိုင်ရာ ဆောင်းပါးကို http://bit.ly/1Y1qxZS တွင် ဖတ်ရှုနိုင်ပါသည်)။ ထို့ကြောင့် AloEx သည် အသုံးပြုသူများစွာအတွက် ယုံကြည်စိတ်ချရသော နောက်ထပ် ရွေးချယ်စရာ တစ်ခုဖြစ်ပါသည်။
